فين فلوسنا يا طنطاوي .. ؟
تم نشر الموضوع بواسطه thabet في خميس, 01/12/2012 - 12:53
in
كتب:
المحاسب / محمد غيث
مرت الآن سنة كاملة وبالتمام وبالكمال علي قيام ثورة يناير المباركة ، ومر معها وبالتزامن سنة كاملة منذ ( أستيلاء ) المجلس العسكري علي السلطة في البلاد ، سنة كاملة ( سودة ) وأسود من قرون الخروب السوداني لم نشهد فيها إلا البيانات العسكرية المتضاربة والتي من تكرارها وتعددها تهنا وضعنا في عدها ، والتي لم تسمن ولم تغني عن جوع في شيء يحس أو يحسب لها ؟
سنة كاملة من السقطات والممارسات القمعية في حق شباب الثورة والشعب من محاكمات عسكرية جائرة وباطلة وقتل وسحل وتعذيب وأعتقالات عشوائية وكشف للعذرية ودهس بالمركبات للمواطنين وفقأ لأعين المصريين وضرب بالشوم والعصي وحتي القتل وألقاء جثث الشهداء والشباب في مكبات الزبالة ومياة النيل وهتك عرض بنات مصر وتعريتهم بقلب ميدان التحرير وسحلهم أمام عدسات المصورين والمراسلين الأجانب وحرق المجمع العلمي وغيرها وغيرها من أعمال قمعية ووحشية يندي لها الجبين الحر ؟ ويبدوا أن السيد المشير طنطاوي ومجلسه الأعلي والذي لا ينسي أطلاقاً ومشكوراً وفي جميع بياناتهم العسكرية أن يصفوا الشعب المصري ( بالشعب المصري العظيم ) وهم يقتلوه ويسحلوه في عز النهار ويعتذروا أو يتأسفوا له في الليل ؟ وأيضاً بنفس الوصف العظيم ، ويبدوا أن السيد المشير طنطاوي ومعه مجلسه الأعلي قد نسوا أو ربما تناسوا أن هناك أكثر من تريليون دولار وبرأي الكثير من الخبراء من الأموال السائلة والمنقولة مازالت مهربة خارج مصر ومودعة في حسابات سرية موزعة في العديد من دول العالم لصالح مبارك وولديه وزوجته وأحفاده وصبيانه وخصيانه من أعتي رموز النهب والفساد ، ويبدوا أن سيادته لم يشعر بعد أن سنة كاملة قد مضت كالبرق ولم يفلح ومعه مجلسه العسكري البطل في أسترداد ولو فلس أو سنت واحد من هذه الجبال من المليارات والتي هربت في ظل تواجدهم الكريم خارج مصر ولصالح مبارك وعصاباته ؟ بل أنه من العجيب والمستفز والمثير للسخط والغثيان أنه حتي لم تتم وحتي تاريخه أية مصادرات أو تأميمات لأملاك رموز النهب وعصاباته والموجودة والمحصورة داخل مصر نفسها سواء السائلة منها أو المنقولة ؟ وناهينا عن تلك المهربة خارج البلاد ؟ وعلي الرغم من أن وزارة شرف ومن بعدها وزارة الجنزوري باتت تشحت وتستجدي أمم العالم أجمع لمساعدة مصر في أنتشال أقتصادها الآخذ إلي السقوط في قعر جهنم ؟ وباتت مضطرة لأصدار أذون للخزانة العامة للأقتراض الداخلي وفي الوقت الذي أكتفي فيه المجلس العسكري ورئيسه مشكورين بأقراض الحكومة مليار جنيه ؟ ولاندري من أين للمجلس العسكري بهذه الأموال الطائلة ؟ أو حتي ماهية تصنيف هذا القرض من الناحية القانونية ؟ وهل المجلس العسكري يمثل جهة مقرضة ؟ أم أنه يمثل دولة داخل الدولة ؟ المهم أكثر الله من خيرهم وملياراتهم؟ ولكن يبقي السؤال الأذلي والأهم وهو الفشل الواضح والعجز البين في عدم قدرة المجلس العسكري ورئيسه طنطاوي في أستعادة ولو فلس واحد من جبال وتلال الأموال المهربة والمنهوبة من عرق الغلابة وفم اليتامي والثكالي والمرضي والعاجزين والعاطلين والمشردين من أبناء شعب مصر العظيم ؟ بل حتي أستعادة ولو لص واحد من رموز الفاساد الهاربين كرشيد ويوسف غالي وحسين سالم وأسرته وغيرهم الكثيرين من طرداء العدالة وكأنهم كمن هربوا إلي كوكب المشتري ؟! وبالطبع ليس بخافي علي أحد ما أثير مؤخراً علي صفحات الجرائد والنت بصدد مقاضاة أللص جمال مبارك علي تهريبه لأكثر من 75 طن من الذهب الخام لصالحه الشخصي ؟ وهذا فضلاً إلي ماكشفت عنه تحقيقات النيابة بقيام سامح فهمي وزير البترول الأسبق بتهريب 3 أطنان من الذهب لصالحه وأعترافه بذلك في أقواله للنيابة وهو ماتم نشره حينها في الجرائد المصرية ؟ يعني جبال من المليارت وجبال من الذهب المنهوب وما خفي كان أعظم ياسيادة المشير ؟ ومع ذلك لم نري أي أسترداد ولو لمليم واحد أو جرام ذهب واحد يرد إلي الخزانة العام أو حتي للجيوب الخاوية علي عروشها ( لشعب مصر العظيم ) ؟ ومازلنا نري البائد الهالك الفاسد يأتي للمحاكمة متصنعاً المرض والطرش والعمي ؟ وهو يمثل علينا بطولة فيلم ( أني راحلة أو حتي رد قلبي ؟ ) ومحمولاً علي الأكتاف وهو المقيم المرفه والمنعم في مشفي فندقي سبعة نجوم وفي منتهي الدلال والدلع والطبطبه ؟ وكلنا شاهدنا ومازلنا تصرفات ولديه وصبيانه في قاعة المحاكمات وكأنهم في حاضرون إلي نزهة ترفيهية ؟ وليسوا بصدد محاكمات جادة أو ناجزة وفي جرائم أقلها الخيانة العظمي وإضاعة ونهب مقدرات وطن وشعب وعن بكرة أبيه؟ بل وصل الفجور باللص الأرعن جمال مبارك وأثناء تواجد السيد المشير طنطاوي نفسه للأدلاء بشهادته بقاعة المحكمة وهو ماصورته عدسات المصورين وفضحته الجرائد حينها بقيام الأرعن أبن الفاسد المتهم اللص جمال مبارك بالأشارة بأصبعه الأوسط ؟! وفي أشارة بذيئة لاتصدر إلا عن المومسات والشراميط وإلي أسر وأهالي الشهداء وضحايا الثورة وفي قلب محراب مفترض أنه للعدالة والمحاكمة ولم يوقر كبيراً ولامشيراً ولاحتي رئيساً مفترضاً للمحكمة أو حتي مشاعر أسر الشهداء والذين قتلهم أبوهم وزبانيته غدراً وانحطاطاً ؟ عام كامل أسود مر علي قيام الثورة ولم نشهد فيه إلا عجزاً حكومياً واضحاً وفشلاً ذريعاً وأزمات مختلقة ومفتعلة ومتعمدة ؟ ومتاهات مصطنعة لاتنتهي ؟ ومازالت البلاد والعباد وبلغة أهل العسكر ( محلك سر ) بل ( وللخلف در ) ، عام كامل عانينا فيه جميعاً ومازلنا نعاني الأمرين من أزمات مقصودة ومفتعلة بدأوها بالموات الأمني ثم أنفلات تام ومازال قائماً وماثلاً في أشتعال غير مبرر في أسعار جميع السلع والخدمات وبلا رقابة ولاتنظيم ولا نيلة ، بل مازالت أزمات البنزين والبوتاجاز قائمة وماثلة حتي اليوم ودون أي حل أو علاج ، ومازال المواطن لايجد أنبوبة الغاز ويتقاتلون ويتناحرون عليها ووصل سعرها بالقاهرة 30 جنيه وبالمحافظات 75 جنيه إن وجدت أصلاً ؟ ومازال نفس الغاز يصدر لأسرائيل وبنفس الأسعار العار والمبخسة وكأنه لاتوجد ثورة ولايحزنون ؟ واليوم يظهر علينا السيد اللواء عتمان مبتهجاً ومهنئاً بالثورة ؟! ويقول أن الطائرات العسكرية سوف تلقي ببطاقات جوائز وهدايا للمواطنين بالمحافظات ؟ وأرجو أن أكون صاحب حظ وأكسب أنبوبة بوتاجاز أو كوبون بخمسين لتر بنزين 80 أو 90 أو حتي 92 ؟ وأما أن كان الحظ أكبر وأوفر فربما يكسب المواطن مدرعة من أللي واقفين أمام ماسبيرو ؟! ياسيادة المشير الفاضل : كل سنة وأنتم طيبين بمناسبة ثورة يناير المباركة والباقية والمنتصرة بأذن الله ومشيئته وبأرادة الشباب الحر الواعد والشعب الواعي ، ولكن سؤالي إليك وإلي مجلسك الموقر باق وسيبقي طالما بقيت وبقيتم في السلطة وهو : فين فلوسنا ياطنطاوي .. ؟!
Mohammd.ghaith@gmail.com
أخبار
-
اليوم السابع : أعلن المحامى الحقوقى خالد على المرشح لرئاسة الجمهورية عن إضرابه عن الطعام لمدة 24 ساعة، بداية من اليوم الأحد 20 مايو، تضامنا مع الثوار المعتقلين فى أحداث العباسية والمضربين عن الطعام، وذلك للمطالبة بالإفراج عن المعتقلين ووقف المحاكمات العسكرية للمدنين . وقال خالد على "أثناء... -
مصراوي : كيف يرى مبارك الانتخابات الرئاسية؟ ومع من يقف أو على الأقل أي المرشحين يتمنى وصوله للكرسي الذي جلس على نحو ثلاثين عاماً ؟ وقبل هذا وذاك كيف حال صحته، لاسيما في ظل الأنباء التي تواترت مؤخراً وتزعم تدهورها، واحتضاره؟ وتجيب مصادر مطلعة عن هذه التساؤلات - حسب ما ذكرت مواقع إخبارية - مؤكدة أنه... -
مصراوي : تصدر سباق أول انتخابات رئاسية في مصر بعد ثورة يناير اهتمامات الصحف المصرية الصادرة اليوم الأحد التي أبرزت تصريحات المستشار حاتم بجاتو الأمين العام للجنة العليا للانتخابات الرئاسية حول الضوابط التي وضعتها اللجنة لإجراء العملية الانتخابية، كما أبرزت الصحف الحملات الساخنة للمرشحين قبل حلول... -
مصراوي : اعتذر الدكتور محمد مرسي، مرشح الإخوان المسلمين وحزب الحرية والعدالة لانتخابات الرئاسة، عن عدم المشاركة في المناظرة التي تجمعه بخمسة مرشحين آخرين للرئاسة، مساء الأحد. وقال مرسي، في صفحته الرسمية على ''فيسبوك'': ''كنت أتمنى التواجد اليوم مع الإعلامي المحترم... -
مصراوي : وصف الدكتور عبد المنعم أبو الفتوح المرشح الرئاسي استطلاعات الرأي بالـ ''مضروبه''، وقال ''هو الشعب المصري أتجن عشان ينتخب واحد من النظام البائد بعد إراقة دماء الشهداء.'' وشكك أبو الفتوح في مصداقية الاستطلاعات، وقال إنها جاءت بمرشح لم يكن له ذكر وأخذت... -
مصراوي : أكد مصدر عسكري رفيع المستوى أن هناك مساع لإصدار ''إعلان دستوري مكمل'' على أن يصدر عقب انتخابات الرئاسة المقررة يومي 23 و24 مايو الجاري وليس قبلها كما أشيع مؤخرا. كانت قناة الجزيرة مباشر نقلت عن قيادي بالمجلس العسكري قوله إن المجلس يعتزم إصدار إعلان دستوري مكمل قبل... -
العربية.نت : أصيب عدد من الأشخاص، بينهم نائب رئيس حزب التواصل، محمد غلام ولد الحاج شيخ، الذي نقل بصورة عاجلة إلى المستشفى، واعتقل آخرون، بينهم رئيس المجلس الوطني لحزب التواصل (الإسلامي المعتدل)، أحمد جدو ولد أحمد بهية، وذلك في تظاهرات جديدة نظمتها المعارضة، أمس الجمعة، في نواكشوط للمطالبة بتنحي... -
المصري اليوم : زادت الانتخابات الرئاسية سخونة، أمس، مع ظهور مؤشرات أولية لنتائج تصويت المصريين فى بعض الدول العربية والأجنبية، الذين بلغ إجمالى عددهم ٣١٠ آلاف صوت، حيث أظهرت تقدماً للمرشح عبدالمنعم أبوالفتوح، فيما لم يتم الإعلان بعد عن نتائج سفارات مصر فى الرياض والكويت وأبوظبى والدوحة، والقنصلية... -
الشروق : أعلنت السفارة المصرية في أنقرة، نتيجة تصويت المصريين في تركيا في انتخابات رئاسة الجمهورية، والتي شارك فيها 117 ناخبا، من أصل 195 سجلوا أسمائهم في كشوف الناخبين. وحصل الدكتور عبد المنعم أبو الفتوح على المركز الأول بـ38 صوتا، يليه عمرو موسى بـ31 صوتا، ثم حمدين صباحي ومحمد مرسي بـ21 صوتا، ثم... -
الشروق : حصل الدكتور عبد المنعم أبو الفتوح، على المركز الأول في مجموع أصوات المصريين في دوائر الولايات المتحدة الخمس، ومقراتها في واشنطن ونيويورك وهيوستن وشيكاغو ولوس أنجلوس. وحصل أبو الفتوح على 3182 صوتا، يليه عمرو موسى، الذي حصد 3018 صوتا، يليه أحمد شفيق بـ2759 صوتا، ثم حمدين صباحي بـ2663 صوتا،... -
اليوم السابع : صرح الفريق أحمد شفيق، المرشح لمنصب رئيس الجمهورية خلال مؤتمرة الذى عقد مساء اليوم بجوار منزل النائب هشام الشعينى عضو مجلس الشعب عن حزب الحرية، أن القوات المسلحة السبب الرئيسى فى نجاح ثورة الشباب ثورة 25 يناير. وأضاف شفيق، أن السياحة هى المشروع الوحيد الذى لا سقف له، ويجب تنميته... -
مصراوي : قال عمرو موسى المرشح الرئاسي للجمهوريه أنه سيبحث طبيعة النظام الذى سيحكم مصر من حيث كان برلمانيا أو رئاسيا مع حزب الأغلبيه أيا كان ذلك لإن الإطار السياسيى فى مصر غير مستقر حتى الآن ويجب أن يكون الرئيس القادم من تيار سياسى مخالف للتيار الذى يترأس البرلمان. وأضاف : أول قراراتى إذا أصبحت... -
مصراوي : في مؤتمر جماهيري ـ هو الأخير لمرشح الرئاسة الدكتور عبد المنعم أبو الفتوح'' ،أوضح المرشح لرئاسة الجمهورية خلال كلمته في مركز شباب الجزيرة، أن المصريين على أعتاب لحظة تاريخية بعد أيام قليلة ، ستكون فارقة في تاريخ مصر. وطالب أبو الفتوح الشباب بالنزول للانتخابات ليستكمل ثورته ، ليس... -
مصراوي : احتل الدكتور محمد مرسى المركز الأول فى انتخابات الرئاسة بعدد 17139 صوتا، وجاء بعده الدكتور عبدالمنعم ابوالفتوح جاء في المركز الثاني بعدد اصوات 14109 بالكويت . جاء ذلك خلال المؤتمر الصحفى الذى عقده السفير المصرى بالكويت عبدالكريم سليمان بمقر السفارة فجر اليوم السبت. وأضاف أن حمدين... -
مصراوي : أكد حمدين صباحي، المرشح لرئاسة الجمهورية، أنه سينتهج نظامًا رأسماليًا يحقق العدالة الاجتماعية ويمنع النهب والسرقة ، موضحا انه لامكان للمفسدين بين المصريين. وتعهد، خلال الزيارة التى قام بها لمحافظة الدقهلية أمس الجمعة والتى بمركزي تمى الأمديد وميت غمر واختتمها بمؤتمر جماهيري أمام إستاد...
الملف الاسود
-
(CNN) -- قال أحمد فوزي، المتحدث باسم المبعوث الأممي العربي المشترك لسوريا، كوفي عنان، إن قافلة مؤلفة من أربع مركبات للأمم المتحدة تعرضت لانفجار عبوة ناسفة في خان شيخون بمحافظة إدلب، الثلاثاء، ما ألحق أضرارا بثلاث منها، في حين أوقعت القوات السورية الموالية للنظام 63 قتيلاً، الثلاثاء، في ظل استمرار... -
(CNN) -- أصدرت جماعة تحمل اسم "جبهة النصرة لأهل الشام" رسالة نفت فيه صحة بيان منسوب إليها تعلن فيه مسؤوليتها عن تفجيرات دمشق الدامية مؤخراً، وقالت إنه "مفبرك ومكذوب،" بينما أعلنت المعارضة عن مقتل 11 شخصاً، في حين جرى الإعلان عن نتائج الانتخابات البرلمانية. وجاء في بيان "... -
العربية.نت : أفاد التلفزيون السوري بسقوط 55 قتيلاً و372 جريحاً في تفجيري دمشق، اللذين هزا صباح اليوم الخميس، العاصمة السورية، قرب مفرق القزاز. وأفاد مراسل "العربية" بأن الانفجارين أحدثا حفرتين بقطر 10 أمتار في المنطقة، وبعد وقوع الانفجارين زار رئيس المراقبين روبرت مود موقع التفجيرين وقدم... -
العربيه : برز اسم حي برزة كأول أحياء دمشق المنضمة للثورة السورية، ويبدو الحي منكوباً بسبب الاقتحامات المتكررة والحصار الدائم من قبل الأمن والجيش السوري. يبدو أسلوب النظام السوري غير مسبوق لجهة خطف جثامين القتلى، حيث تم اختطاف 12 جثة تعود لشباب قتلتهم قوات النظام يوم السبت الماضي 5 مايو/ أيار، بعد... -
العربية.نت : وصل عدد القتلى من الأطفال السوريين منذ اندلاع الثورة إلى 1122 طفلاً، حسب لجان التنسيق المحلية، من بينهم 524 طفلاً في حمص، و147 طفلاً في حماة، و103 أطفال في إدلب، و103 أطفال في درعا، و103 أطفال في ريف دمشق، و46 طفلاً في دير الزور، و26 طفلاً في دمشق، و15 طفلاً في حلب، و8 أطفال في... -
(CNN)-- أشارت أوساط المعارضة السورية إلى مقتل 27 شخصاً السبت، في عمليات نفذها الجيش السوري وأجهزة الأمن، مشيرة إلى استمرار حملات الدهم والاعتقال في عدة مناطق، بينما أعلنت وسائل الإعلام الرسمية مقتل ثلاثة أشخاص في انفجار سيارة مفخخة بحلب، في حادث يعقب تزايد الغضب بالمدينة بعد اقتحام جامعتها ومقتل... -
(CNN)-- فرض المجلس العسكري الذي يدير الأمور في مصر حالة حظر تجول في ميدان العباسية ومحيط وزارة الدفاع في العاصمة القاهرة، محذراً من أنه سيتصدى "بحزم وحسم" لمن يخالف ذلك، بعد الاشتباكات الدامية في المنطقة بسبب محاولة محتجين الاقتراب من مقر الوزارة التي يحيط بها طوق أمني كبير، بينما رفعت... -
العربية.نت : قتل 43 شخصاً برصاص القوات السورية واعتقل المئات، في جمعة "إخلاصنا خلاصنا" التي خرج فيه آلاف المناهضين للنظام بمناطق متفرقة من البلاد من أجل تأكيد ولائهم للثورة، حسبما أفادت لجان التنسيق المحلية، بينما أعلن الموفد الدولي الخاص كوفي عنان أن هناك مؤشرات ميدانية "طفيفة... -
العربية.نت : أفادت الهيئة العامة للثورة باقتحام المدينة الجامعية أمس الأربعاء بعد وصول 10 حافلات محملة بأكثر من 300 عنصر أمني مدججين بالأسلحة، نقلا عن تقرير لقناة "العربية" اليوم الخميس. وأظهرت لقطات فيديو هروب طلاب جامعة حلب من السكن الجامعي بعد اقتحام الأمن لها. ومن جهته، لفت اتحاد... -
(CNN)-- هزت سلسلة انفجارات مدينة إدلب، شمال غربي سوريا، الاثنين، أسفرت عن سقوط 20 قتيلاً على الأقل، ونحو مائة جريح آخرين، في الوقت الذي أقر فيه رئيس بعثة المراقبين الدوليين، الجنرال روبرت مود، بصعوبة مهمة فريقه في مراقبة كل ما يجري بسوريا. وبينما ذكرت وكالة الأنباء السورية "سانا"، في وقت... -
(CNN)-- قالت مصادر المعارضة السورية إن 44شخصاً قتلوا السبت برصاص قوات الأمن والجيش، سقط معظمهم في عملية عسكرية جرت بريف دمشق، في وقت استمرت فيه المظاهرات بعدة مناطق، وسط انتقادات وجهها المجلس الوطني، الممثل الأكبر للمعارضة، إلى المجتمع الدولي وخطة مبعوث الأمم المتحدة والجامعة العربية، كوفي عنان.... -
(CNN)-- يعقد مجلس الأمن الدولي جلسة خاصة صباح السبت، للتصويت على قرار جديد بشأن زيادة عدد أفراد بعثة المراقبين الدوليين إلى سوريا، في الوقت الذي أكدت فيه مصادر بالمعارضة سقوط ما يزيد على 57 قتيلاً، في مواجهات مع القوات الموالية لنظام الرئيس بشار الأسد، الجمعة. وكشف دبلوماسيون غربيون في الأمم... -
(CNN) -- قال معارضون سوريون إن 29 شخصاً قتلوا برصاص قوات الجيش والأمن، بينما أعلنت دمشق عن توقيع "اتفاق أولي" ينظم عمل بعثة المراقبة الدولية، وبالتزامن مع انتقادات وجهها الأمين العام للأمم المتحدة، بان كي مون، إلى الحكومة السورية بسبب استمرار الغموض حول مصير المعتقلين وتواصل الوجود... -
(CNN) -- اتهمت المعارضة السورية قوات الأمن والجيش بقتل 20 شخصاً السبت، وشن حملة من القصف المركز بعدة مناطق، وخاصة في حمص، معتبرة أن ما يجري يمثل خروقات جديدة لوقف إطلاق النار. وقالت لجان التنسيق المحلية، وهي منظمة معارضة تقوم بتسجيل الأحداث الميدانية، إن سوريا شهدت منذ صباح السبت سقوط 16 قتيلاً،... -
(CNN) -- كشف مسؤول أمريكي رفيع المستوى لـCNN أن المشاورات حول إمكانية إنشاء منطقة عازلة في المناطق الحدودية السورية قد "تكثفت" بشكل كبير خلال الساعات الماضية، مع تزايد القلق من إمكانية عدم التزام سوريا بخطو المبعوث الدولي، كوفي عنان، بينما قالت المعارضة إن 97 شخصاً قتلوا برصاص قوات الأمن...
هي دي الحقيقة كاملة ؟
يسلم بقك يا شيخ مهدي عاكف ... قلتها و إنت رايق و ملعلع و مشعشعه معاك ... طظ في مصر و اللي في مصر و اللي جابوا مصر ... و ألف رحمه علي شهداء مصر الطيبين المخدوعين اللي دمهم راح هدر و هما فاكرين إنهم في ثوره بحق و حقيق ... آسف يا شيخ عاكف ... و إقبلها مني أسف بدموع ... عندك ألف حق ...و طظ في الثورة و اللي عملوا الثورة ... و يا خسارة شعب مصر إللي مخدوع في الثورة ...و قلبي مع حزب الكنبه المسكين اللي شايف و ساكت ... عين مفتحه و عين عوره ...المركب بتغرق و اللي عا الكنبه نايمين عنيهم مفتحه و مش شايفين و ودانهم مطرطقه و مش سامعين بينضربوا ومش حاسين ... أصل الحياة بالنسبه لهم ضاعت يومين بنقضيهم و ماشيين ...
ثورة عملها شوية شباب ضايع ... لا هوه مسلم و لا هوه كافر ... لا هوه مثقف و لا هوه جاهل .... لا هوه شبعان و لا هوه جعان ... شباب متعلم في أمريكا و أوروبا علي إيدين جمعيات حقوق الإنسان المدنيه و الديموقراطيه ...إزاي يقلب البلد و إزاي يخربها ... لكن ما عندوش أي فكرة إزاي يصلّحها و إزاي يعّدلها ... شباب يعرف إزاي يستخدم الكمبيوتر و المحمول و الإنترنت و يحط شعارات و يلملم بعضه من المدارس و الجامعات و من عا الأهاوي و من الشوارع و ينزل ميدان التحرير سرة البلد و قلب حركتها و مفتاح حياتها علشان إيه ... مش عاوزين مبارك ... طب عايزين مين ... هَــه ... طب ها تغيروا النظام إزاي ... هَــه ... طب مين اللي ها يمسك البلد ... هَــه ... أرحل ... إرحل ... إرحل ... الشعب يريد إسقاط النظام .... طب و بعدين إيه الخطة اللي عندكم لإقامه نظام سليم و رئيس شرعي من غير تزوير .... هَــه .... إيه تصوركم لشكل البلد اللي ها تبنوها من جديد بناء علي ثورتكم ... يسقط النظام ... ها تعملوا إيه في الإقتصاد ... إرحل .. إرحل ... إيه اللي بتهببوه ده ...هي ثوره مدروسه ليها مبادئ و ليها مخطط و الا مجرد هوجة شوية عيال ما وراهمش حاجه يعملوها .... لما إنتم مالكمش في السياسه و لا في الإقتصاد و لا في الإداره ولا بتقروا تاريخ و لا جرايد و لا حتي شايفين البلد حواليكم ماشيه إزاي ... عملتوا الهيجان ده ليه ... الإخوان مش معاكم ... الجيش مش معاكم ... الحكومه مش معاكم... البوليس مش معاكم ... إقتصاديين البلد و فلوسها مش معاكم ... مصانع البلد و عمالها مش معاكم ... أي قوه ليها تقل في البلد مش معاكم ... مخ مافيش ... تفكير ما فيش ... تخطيط مافيش ....قياده مؤهله و معدّه علشان تمسك البلد مافيش ....
شباب مغيب ... فعلا عملاء لأمريكا بدون وعي ... بس ما أقدرش أقول خربتوا البلد ... لأن إللي مش واخدين بالكم منه إن بيكم أو من غيركم البلد خربانه خربانه ... إنتوا .. للأسف .. مجرد شويه هوا نفخها الإمريكان في البلد اللي واقعة و آيله للسقوط علشان تتطربق علي اللي فيها ... إخوان و جيش و أحزاب و حكومه ... و خاصة الوطني بتاع رياسة الجمهورية ...
سؤآل بسيط ... ما فكرتوش ها تعملوا إيه في الجيش ... أفسد مؤسسه أخطبوطية في مصر ... أول ما نزل الشارع خدتوه بالأحضان و نزلتوا فيه بوس ... الجيش و الشعب إيد واحده ... يا سذج .. يا مغيبين ... يا جهله ... أهو الجيش إندار عليكم و قلع عيونكم و دهسكم بالجزم و الدبابات و شلح بناتكم و كشف علييهم و همه لابسين من غيرهدوم و عساكره بتتفرج عليهم ... عرفتوا إنكم شباب مندفعين و ما بتفكروش ... الجيش الفاسد نازل الشارع علشان يحمي مصالحه ... ضربكم بالفسفور و الكيماوي و الغازات ... الجيش و الشعب إيد واحده ... قبض عليكم و عذبكم في السجون ... الجيش و الشعب إيد واحده ... زي ما قال الشيخ مهدي طظ فيكم و في الثورة إللي عملتوها ... و طظ في المهللين و المصفقين و المطبلين و المزمرين و المهابيل بتوع التلفزيون و الفضائيات و بتوع الإنترنت إللي سموهالكم ثورة ... وطظ في العقول المغيبه إللي عملتكم أبطال ... إنتوا السبب في إللي ماتوا من غير سبب ... دمهم علي راسكم و في رقبتكم ... خربتم البيوت و رملتم النسوان و يتمتم العيال ... لو ما فكرتوش كويس و وزنتوا الأمور قبل ما تتحركوا ها تشوفوا بعنيكم البلد و هي خربانه منهاره و إنتم زي الفيران في الشوارع بتدوروا علي حته تستخبوا فيها من كلاب الجيش السعرانه و قططه الجعانه و هي بتأفشكم من كل جحر و من تحت كل حجر علشان تسلخكو و تاكلكو في عز النهار و علي مسمع و مرأي من وكالات الأنباء الأمريكية و جمعيات و منظمات حقوق الإنسان العميله المرتشيه و علي شاشات تلفزيون جمهورية مصر العربيه...
جيش مصر اللي إحتلها و اللي بتقولوا عليه فخر مصر و درعها اللي بيحميها ... يا أغبيا يا عديمي العقل ... الجيش عباره عن عصابة مافيا كوّنها و أسسها البكباشي بطل العروبه اللي خلي زنوبة أوسخ عربي تدوس علي راس أجعص مصري ... عبد الناصر عميل أمريكا الأول في الشرق الأوسط اللي محا إسم مصر و خلي أوساخ العرب أسيادها ... و ركّب علي راس كل مصري ظابط من عصابته إللي سماها جيش مصر و نهب بيها البلد ... بمعونة و مباركة سته و تاج راسه أمريكا اللي علّمته إزاي يجعجع و يضحك عليكم و إنتوا تغنوا و تقولو له ... ولا يهمك يا ريس م الأمريكان ياريس ... و هوه بيبيع البلد حته حته لإسرائيل و يرجع يعيط و يقول أيديكم معي ... و إنتوا تردوا عليه ...لا تتنحي ... لا تتنحي .... البدله الكاكي هتكت نساوينكم في عز الضهر و إنتوا بتقولوا عليه عبد الناصر يا حبيب ... الجيش مش فاضي للحرب ... الجيش يملك خمسه و أربعين بالمايه من إقتصاد البلد ... ضباطه متنغنغين في النوادي العسكريه ... و المنتجعات الحربية ... و الإسكان الفاخر في كل حته في الجمهوريه و كل ظابط عنده عربيه معلق عليها نسر الجيش لزوم المخالفات و المشي في الممنوع و أركن مطرح ما يعجبني و فتّح عينك تاكل ملبن ... إنتوا فاكرين الجيش بياكل العيش بتاعكوا أبو صراصير و مسامير ... الجيش عنده مخابز آليه و مطابخ عصريه .. الجيش عنده مزارع نموذجيه بيربي فيها بقر و بهايم و غنم ... و بيشغلكم فيها و إنتوا مجندين بيسوقكم قدامه زي البقر و الغنم ... الجيش يملك مصانع الإنتاج الحربي و بيبيع الإنتاج لحسابه الخاص .... الحكومه فيها وزاره مخصوصه إسمها وزارة الإنتاج الحربي .... أشيك وزاره و أغني وزاره في الحكومه كلها ....و ممنوع مجلس الشعب يراقب الميزانيه و لا جهاز رقابه إداريه و لا جهاز محاسبات ماليه ... عصابه ... مافيا ...عندكو فكره إيه هي الهيئة العربية للتصنيع و إيه قوتها الإقتصاديه في البلد ... الجيش مقاول بيشتري أراضي برخص التراب و بالأمر المباشر و في الحته اللي هوه عايزها لزوم الأمن القومي .... زي مافيا الحزب الوطني بالضبط ... و يبني عليها شقق إسكان فاخر و يبيعها بأسعار خياليه ... الجيش بيبيع سخانات و تلاجات و بوتاجازات و أدوات مطبخ و عفش ... الجيش عنده مصانع منتجات غذائيه ... الجيش بيبيع لحمه و فراخ ... الجيش تاجر سلاح و قطع غيار ...ضباط الجيش ليهم تسهيلات خاصه في كل مكان ... الجيش في كل معسكر فيه كانتين بيبيع للعساكر الغلابه المجندين أردأ أنواع الأكل بدون أي رقابه و بأغلي الأسعار ... المجندين بيشتغلوا سخرة في المصانع الحربية و في المزارع العسكريه النموذجية ... بيأكلوا البهايم و بيربوا فراخ و يلموا البيض ... الجيش المصري بيبيع بيض... الجيش دوله أكبر من الدوله المصريه ... ضباطه متنغنغين ناهبين خير البلد و مفرعنين ...الجيش عنده حسابات بنوك ما حدش يعرف عنها حاجه .... الجيش سلف البنك المركزي المصري مليــــــــار دولار ... جابهم منين ... ها تودي نفسك في ستين داهيه ... قال إحنا إللي هزمنا اليهود في تلاته و سبعين ... طب فين صور ديان و شارون و جولدا مائير علي جبل عتاقه في السويس ... الجيش التالت متحاصر و مات من الذل و العطش و الجوع و رجعوا زاحفين علي إيديهم و رجليهم حافيين و هدومهم مقطعه ... فين صور الجيش المصري التالت و هوه بينسحب ذليل من السويس تحت علم إسرائيل و إنتوا بتهتفوا ... إنتصرنا إنتصرنا إنتصرنا ... خيبه تقيله.... شعب مغيب ... ثورة إيه اللي إنتوا عملتوها ... ماما أمريكا فرحانه بيكو قوي ... و بتدرسكو في المدارس ... تعرفوا بتقول عليكو إيه ...بتقول للشعوب كلها شوفوا أنا عملت بيهم إيه ....
ها تعملوا إيه في الإخوان المسلمين اللي سرقوا الهوجه منكم و فهِّموا الشعب إنهم هما الله و هما الدين و هما أحفاد الرسول ... إنتخبهم تروح الجنه ... و عارضهم ها تروح جهنم و بئس المصير ...و إن البلد إذا ضاعت منهم هاتروح للكفره النصاري اللي ها يشغلّوا عليكم التنصير و ها يبنوا في كل بلد كنايس و دير ... و ها يفتحوالهم خماره في كل حاره و بيت دعاره في كل عماره ... إنتخبوا الإخوان المسلمين عشان ربنا يرضي عليكم و يبقي عندكم دين ...
يا شباب يا ثوريين ... يا هتيفه يا حنجوريين ... الأمريكان باعوكم علشان دوركم خلص خلاص ...و رموكم للسلفيين إللي ها يؤمروكم بالمعروف و ينهوكم عن المنكر ... الأمريكان إشتروا الإخوان المسلمين اللي باعولهم البلد ... أما السلفينن فعيني عينك باعوا نفسهم للصهاينه الإسرائيليين ... ليه علشان هما سُنيين فإنضموا لإخواتهم اليهود علشان يقاتلوا أعداءهم الشيعه الإيرانيين .... يا بلد ... يا بلد .... يا بلد ... الإخوان مش داخلين المجلس علشان يلبسوكم جلابيه و نقاب ... دول عايزين الهِبره الكبيره بتاعة الحزب الوطني ...الجلباب و النقاب ده بتاع السلفيين و القصد منه إنكم تفضلوا عبيد عندهم ... يؤمروكم بالمعروف و ينهوكم عن المنكر ... و الجماعه دول الهبشه بتاعتهم جايه من بلاد البترو دولار و الدينار ... و الشعب هَمّه يتخانق معاهم في الحلال و الحرام و البلد تغرق ...طظ ... الحزب الوطني اللي لسه موجود في عصاباته و ملياراته اللي سرقها مش محتاج أكل من البلد ... أكله و لبسه بيجي بالطياره من باريس ... يا متاعيس ... إستثمارات الحزب الوطني مش بس محليه دي إستثمارات و حسابات عالميه ... الجيش ما يقدرش يسيطر عليها ... الحزب الوطني زوّر الإنتخابات اللي فاتت علشان يقلش الإخوان ... مع إن الإخوان يا حبه عيني جروا ناعم في المجلس اللي فات و لا حد رفع صوته علي الفساد و لا علي الهبش و لا علي الحكومة و اللي بيحصل فيها ... كام سؤآل إستهبال علي أفلام فيها أعوذو بالله عري و سفور و شرب خمور و ماعرفش إيه .. علي كام إستهبال علي روايات قالوا فيها إباحيات و كتابات ما عرفش مين ... التلفزيون و مسلسلاته ...آدي كل إللي إتكلموا عنه في المجلس اللي فات ... الإخوان كانوا ناعمين عا الأخر يا حبة عيني.... لكن الحزب الوطني ما إداهمش أمان ... عارف إن أسهمهم بتعلي بسب نشاطهم الجامد في سب دين النصاري و فرض دين المسلمين ... و كل ما الجلاليب تزيد و الدقون تطول و الحجاب يكتر الحزب الوطني يتجنن ... راح مزور الإنتخابات و زاح المسلمين من طريقه... اصله عارف و فاهم ... إنهم لو حطوا رجلهم في المجلس تاني قوانين البلد ها تتغير إسلاميا و بالشريعة لصالح شركاتهم و ارباحهم و أرزاقهم و يطلع الوطني من المولد بلا حمص ... الشريعة الإسلامية محطوطه في الدستور مش علشان النصاري و قطع الإيد و الرقبه و رجم الزانيه ... الشريعه الإسلاميه محطوطه علشان الربح الحلال و البنوك الإسلاميه و المعاملات الماليه الشرعيه ... نلم الزكاه من المسلمين و الجزيه من الصليبيين و كله علي بيت مال المسلمين إللي بالشريعه ها يبقي تحت سلطة أمير المؤمنين... الشريعه الإسلاميه محطوطه في الدستور لخدمة الناس إللي ما حدش يقدر يقطع إيديهم... صراع الحيتان و الحراميه .... أراضي بتتنهب ... مصانع بتتباع .... محلات بتراب الفلوس ... و ديون البلد بتكتر ... وطظ في الشعب المنحوس ... ياتري عارفين الكلام ده و دارسينه و عندكم حل للنصب و التهليب و السرقه ... والا دلعو يادلعو و مبارك شعبه خلعو... يبقي يا إما إنتوا عملاء للإخوان يا إما إنتوا عملاء أمريكا عشان تشيلوا مبارك و تحطوا الإخوان ... ليه ... ليه ... ليه ما بتفكروش ... مبارك عاوز يورث إبنه ... يعني إبنه يورث العصابه بتاعته ... شله حراميه زي عصابه الجيش ... و عصابه كبيره قوي مقسومه بين رجال أعمال الحزب الوطني و ببين كبار موظفين الحكومه ...اللي وزيرها ... و اللي وكيلها ... و اللي مستشارها ... الناس الأبهه ... لو الحزب مسك البلد و حط إيده في إيد الإخوان ها تبقي عصابه كبيره في المجلس و ها نشغل شريعة الربح الحلال و الإكراميات و النبي قبل الهديه ...ها تزنّق و تقطّع علي عصابه مصر العسكريه اللي هي الجيش اللي لابس البياده و حاطط الرتب علي كتافه... جمال و عصابته و حكومته لابسين برانيط و شغلهم بره و جوه ما يمشيش مع العسكر ... لو إتصادم مع الجيش ... طيران علي أوروبا و أمريكا .... لكن الإخوان علي كل لون مالهمش غير السعوديه و دول الخليج و دي دول تحت سيطرة ذراع الجيش الطويله ... لو جم الإخوان و مسكوا البلد ها يضطروا غصب عنهم يحطوا إيدهم في إيد الجيش ... رئيس جمهوريه رتبه و رئيس مجلس الشعب حاج ... و الوزرا بين البينين ... و المحافظين زي ما هما ... كلهم لوآت ... و ها يدوّروا وشهم الناحيه التانيه و ها يسيبوا الجيش يسرق و يبعدوا عنه الشعب بالحجاب و الجلباب و القبقاب ... و الجيش شيلني و اشيلك ... و الجيش عمل معاهم صفقه ... و إدوا لبعض شيكات علي بياض ... الإخوان يهدموا كنايس النصاري و يولعوا في بيوتهم و يستمتعوا بما ملكت أيمانهم من نسوانهم و الجيش يدهسهم بالدبابات و يسجن اللي يتكلم منهم ... عارفين الصفقه دي ...شايفينها .... عملتوا حسابكم و إنتوا بتطبلوا و تزمروا في الميدان ... إحنا شباب الإنترنت ... إحنا شباب الواد و البت ... مصيبه ... مصيبه تقيله .... زي ما قلت لكم البلد خربانه خربانه ... اللي شال حسني مبارك هو الجيش مش إنتم ... إتقلب عليه علشان موضوع التوريث ... و سوزان و عنادها و كبرياءها هي السبب .... عايزه المحروس يبقي رئيس زي أبوه و هي تعين في الوزرا و تشيلهم زي ما هي عايزه .... طبعا الجيش مش أهبل ...لأن جمال و عصابته ها يقطعوا علي طنطاوي و عصابته زي ما قلتلكم ... جمال معاه جنسيه إنجليزي زي أمه و سته ... الجيش ما يقدرش عليه... الموضوع مش إن جمال ما يفهمش في العسكريه و إنه مدني مالوش يتدخل في العمليات الحربيه .... هو الجيش فيه عسكريه و الا عمليات حربيه ... الجيش فيه هبر و نهش و سف ... و جمال خطر قوي علي الحاجات دي .... عنده خبره إنجليزي أمريكاني يقدر يكشفها و يعرف أسرارها....
يامساكين ... يا بؤساء ... ماعندكمش مخ ... ما بتفكروش ... هو الموضوع طبل و تسقيف و إرحل إرحل ... عاجبكم كده .. أهي أمريكا حطتكم إنتوا في الصوره و طلعتكوا إنتوا المسؤلين عن الهباب اللي بيحصل في البلد ... بتحرق كل حاجه في مصر ... زي المتحف العلمي و البقيه تأتي ... و بتقول إنتوا المسؤلين... مطب أمريكاني تمام شربتوه بالهنا و الشفا ... قال ثوار قال ... ثورات العالم كلها قامت و عندها مخطط علشان تنفذه و تحقق مطالبها ... و إنتوا واقفين تتهزوا و تتنططوا ... إرحل إرحل ... أهو رحل ... فين البديل ... فين النظام اللي إنتوا محضرينه ,,, فين الريس اللي إنتوا محضرينه ... فين مجموعة القيادات اللي ها تمسك البلد ... إنتوا عارفين ان الحكومه نفسها ... الجهاز الإداري ... يعني الوزارات بتنهب البلد بحاجه إسمها صناديق الرسوم ... عشرات المليارات جمعتها الحكومه من الشعب و بتتوزع علي الوزرا و وكلائهم و علي كبار صغار الموظفين و مجلس الشعب ممنوع يسأل عن الفلوس دي مين اللي فرضها و بتتصرف علي إيه وإيه حسابات الصناديق دي ... مصيبه تقيله ... قاعدين في الميدان بتاكلوا هامبرجر و كنتاكي و الا حتي فول و طعميه ... البلد ضاعت ... و أمريكا ها تقسمها يعني ها تقسمها ... و الوكسه الكبيره اللي إحنا فيها دي أهي أمريكا لبستهالكم ... بدل الجيش ما ينقلب علي مبارك علنا و يشيله ... أمريكا جابتكم إنتم في صفقه مع الجيش و مع مبارك و مع الوطني و مع الإخوان ... و حطيتكم إنتوا في الوش ... بقيتوا إنتوا السبب في خراب البلد ... ياتري إنتوا وطنيين و الا زي الباقي حراميه و مرتشين ... و طظ في مصر و اللي في مصر و اللي جابوا مصر ...
آسف يا بلدي يامصر ... العيال دول خلوني فرقعت من الغيظ و الغم و خرجت عن وعيي و عن ألفاظي ... سامحيني يامصر ... البلوه تقيله قوي و أنا مش قادر أستحملها ... و لسه اللي جاي في السكه .. إزاي و إمتي و ليه هاتتقسم مصر ... خيرك لغيرك يامصر و أولادك بيموّتوا بعض علي رغيف عيش واقفين في في طابور م الصبح لغايه العصر...
علِّق